Cyhoeddwyd gan: cathasturias | Ebrill 22, 2010

Cyfeillion Cywir a Pherthnasau Hen

Nid y ffrindiau ffug y mae dysgwyr iaith yn ofni, ond geiriau Cymraeg a Sbaeneg sydd yn debyg mewn sain, sillafu a synnwyr.

Mae llawer ohonyn nhw wrth gwrs yn dangos gwreiddiau Lladin.

puente – pont (ond mae pontydd Sbaen yn wrywaidd)
cabra – gafr
muro – mur
niebla – niwl
red – rhwyd(waith)
pescado – pysgod (ar blât. Pez yw’r gair am bysgodyn byw)
vaca – buwch

A dyma un diddorol: yr hen air Cymraeg ‘chwegr‘, a rhaid imi gyfaddef ar unwaith nad wyf i erioed wedi’i glywed e ar lafar yn golygu mam-yng-nghyfraith.. Yn Sbaeneg, suegro a suegra yw tad a mam-yng-nghyfraith. Ac o edrych yn ddyfnach, mae gan y geiriau yma wraidd hynafol Indo-Ewropeaidd: yn Almaeneg heddiw, Schwiegemutter yw hi.
I ffwrdd â’r cyfieithiad air am air ‘mam-yng-nghyfraith’! Yr wythnos nesaf bydda’i’n mynd i weld fy chwegr.


Responses

  1. Ma ffrind ifi o Valdovinho wastod yn werthin pan glywiff e rywun yn gweud y gair Saesneg 'corner' fel pan fo rhywun yn rhoi cyfarwyddiadau ac yn dweud 'It's near the corner' Mae 'cona' yn yr Alisieg yn golygu rhywbeth hollol wahanol wrthgwrs. Bach yn blentynaidd yw e.

  2. A rhaid inni ddyfalu beth yw'r ystyr yn yr Alisieg?


Gadael Ymateb

Rhowch eich manylion isod neu cliciwch ar eicon i fewngofnodi:

WordPress.com Logo

You are commenting using your WordPress.com account. Log Out /  Newid )

Google photo

You are commenting using your Google account. Log Out /  Newid )

Twitter picture

You are commenting using your Twitter account. Log Out /  Newid )

Facebook photo

You are commenting using your Facebook account. Log Out /  Newid )

Connecting to %s

Categorïau

%d bloggers like this: