Cyhoeddwyd gan: cathasturias | Mehefin 24, 2010

Chwarae’n Troi’n Chwerw

Ddoe roeddwn yn egluro rhai o arferion Gŵyl San Ioan. Heddiw rhaid galaru gyda theuluoedd y 12 o bobl ifanc a fu farw, a’r 14 wedi’u hanafu’n ddifrifol, pan gawson nhw eu taro gan drên cyflym wrth groesi’r lein i gyrraedd un o’r coelcerthi. Y ffigyrau diweddaraf yw’r rhain o Castelldefels yn Catalunya. Ychydig cyn hanner nos y cyrhaeddodd y grŵp yr orsaf fach ar drên lleol. Roedd y bompren ar gau a’r twnel o dan y lein eisoes yn llawn o bobl yn ceisio cyrraedd y traeth, lle’r oedd y fiesta i fod.
Wrth iddyn nhw groesi, fe’u trawyd gan drên cyflym Alicante-Barselona. Yn ôl cofnodion sydd wedi cael eu nodi yng ngwefannau’r papurau lleol, mae’r trên yma arfer teithio drwy Castelldefels ar 150km/awr, ac mae’n cymryd 4km i stopio os yw’n gwneud y cyflymdra yna.  Druan o’r gyrrwr hefyd, yn gweld y bobl o’i flaen ac yn methu gwneud dim i’w hosgoi nhw. Mae pobl yn gofyn wrth gwrs sut oedd yn bosib nad oedd ffens neu rwystr arall i stopio pobl rhag groesi lein cyflym.
Ac mae’r gwaith o gael gwybod i sicrwydd pwy yw’r meirw yn mynd i gymryd amser hir. Oherwydd natur yr anafiadau nifydd teuluoedd yn cael gweld cyrff; gwaith fforensig fydd hi.
Dechrau drwg i’r haf.


Gadael Ymateb

Rhowch eich manylion isod neu cliciwch ar eicon i fewngofnodi:

WordPress.com Logo

You are commenting using your WordPress.com account. Log Out /  Newid )

Google photo

You are commenting using your Google account. Log Out /  Newid )

Twitter picture

You are commenting using your Twitter account. Log Out /  Newid )

Facebook photo

You are commenting using your Facebook account. Log Out /  Newid )

Connecting to %s

Categorïau

%d bloggers like this: