Cyhoeddwyd gan: cathasturias | Gorffennaf 2, 2010

Dewis y Bobl

Pawb yn ceisio peidio â chynhyrfu gormod cyn gêm yfory. Wel, pawb sy’n dilyn pêldroed, a mae hynny’r un peth a dweud ‘bron pawb’. A hyd yn oed y rhai sy ddim fel arfer, yn cymryd diddordeb yn y ‘Mundial’ – Cwpan y Byd, yn un peth am fod Sbaen yn gnwued yn well nag arfer ac yn ail am mai David Villa, bachan o Asturias, sy’n cael y gôls.
Fe ddechreuodd David ei yrfa broffesiynol yn Gijón gyda’r Sporting, ond bu’n rhaid ei werthu wyth mlynedd yn ôl yn ystod cyfnod hir a thlawd y clwb hwnnw y tu allan i’r adran gyntaf. Aeth i Zaragoza am 3 miliwn o euros, a dim ond dwy flynedd wedyn i Valencia am 12 miliwn. Fe fydd yn dechrau’r tymor newydd yn y Camp Nou, gyda Barselona wedi talu 40 miliwn o euros amdano.  55 miliwn mewn wyth mlynedd.
Does ond gobeithio y bydd yn profi werth ei dâl yfory.
Un peth fydd o ddiddordeb i bobl sy’n hoff o ieithydda: equipo (tîm) yw’r gair am chwaraewyr clwb fel Sporting Gijón neu Real Madrid; la selección (y dewis) sy’n chwarae yng nghrysau cochion Sbaen.  Ac mae hynny’n wir am y chwaraeon i gyd, nid dim ond pêldroed.


Gadael Ymateb

Rhowch eich manylion isod neu cliciwch ar eicon i fewngofnodi:

WordPress.com Logo

You are commenting using your WordPress.com account. Log Out /  Newid )

Google photo

You are commenting using your Google account. Log Out /  Newid )

Twitter picture

You are commenting using your Twitter account. Log Out /  Newid )

Facebook photo

You are commenting using your Facebook account. Log Out /  Newid )

Connecting to %s

Categorïau

%d bloggers like this: