Cyhoeddwyd gan: cathasturias | Rhagfyr 11, 2010

Tyfiant er Gwell neu er Gwaeth

Byddwch chi wastad yn gwybod pa dywydd sydd fan hyn yn nwyrain Asturias wrth yr awr yr ymddengys fy nghofnodion. Tywydd braf: mâs yn yr awyr agored, naill ai’n gweithio yn yr ardd neu’n mynd i gerdded rywle. Dim cofnod tan fydd yr haul wedi diflannu y tu ôl i’r mynydd.  Heddiw, wedi bod yn yr ardd drwy’r dydd. Ond gan taw clirio chwyn, yn enwedig tynnu math o wair tal mâs o’r llecyn wrth ymyl yr iet, wyf i wedi bod, dyw e ddim yn ddigon diddorol i gynnal cofnod cyfan.

Ond mae pethau diddorol yn digwydd ym mharc cenedlaethol y Picos de Europa. Yn gynnar yn y flwyddyn newydd, fe fydd rheolaeth y parc yn cael ei throsglwyddo i Cantábria, León ac Asturias, y tair cymuned sydd â thiroedd oddi fewn iddo. Ac yn un o gyfarfodydd olaf dan yr hen drefn, mae dau gyngor Astwraidd ar y ffin gyda Cantábria wedi cael bod yn rhan o’r Parc ar ôl gofyn am sbel. Bydd hyn yn golygu bod Panes, un o drefi mwya’r Picos, yn dod yn rhan o’r Parc.

O’r blaen roedd cynghorwyr yn ansicr, a dweud y lleiaf,  ynglŷn â manteision perthyn i’r Parc, ond yn awr maen nhw’n dechrau gweld y diwydiant twristiaeth yn elwa ohono.  Mae lot o siarad am y ‘cynnig’ unigryw sydd gan yr ardal ar gyfer ymwelwyr; bydd yn ddiddorol gweld sut all y diwydiant ddatblygu a thyfu heb ddinistrio’r unigrwydd.

 

Advertisements

Gadael Ymateb

Rhowch eich manylion isod neu cliciwch ar eicon i fewngofnodi:

WordPress.com Logo

You are commenting using your WordPress.com account. Log Out / Newid )

Twitter picture

You are commenting using your Twitter account. Log Out / Newid )

Facebook photo

You are commenting using your Facebook account. Log Out / Newid )

Google+ photo

You are commenting using your Google+ account. Log Out / Newid )

Connecting to %s

Categorïau

%d bloggers like this: