Cyhoeddwyd gan: cathasturias | Rhagfyr 18, 2010

Teitl (Bach) y Tywysog

Academi Brenhinol Sbaen sy’n rheoli’r iaith Sbaeneg; yn cyhoeddi geiriaduron a llyfrau gramadeg, yn derbyn neu’n gwrthod geiriau estron, ac yn deddfu ynglŷn a sillafu. Ddoe bu aelod o’r teulu brenhinol, don Felipe de Bourbon, principe de Asturias, yn cyflwyno’r llyfr sillafu diweddaraf. Ac roedd y ffordd yr oedd ei deitl yn ymddangos wedi newid. Llythrennau bras o hyd ar ddechrau ei enw cyntaf, Felipe, a’i steil, Bourbon, ac i’w dywysogaeth, Asturias. Ond, y gair don (teitl o gwrteisi) ac yna principe (tywysog) mewn llythrennau bach i gyd ‘am eu bod nhw’n eiriau cyffredin’ yn ôl y rheol newydd.  Ond roedd yna enghraifft arall lle roedd y teitl ‘Ysgrifennydd Gwladol’ yn ymddangos fel ‘ysgrifennydd Gwladol’ felly mae angen mwy o waith ar y sillafwyr er mwyn cyrraedd cysondeb.

Un o wir arweinwyr Asturias wedi marw ddoe: Rafael Fernandez, llywydd cyntaf llywodraeth y gymuned, a chyn hynny’n bennaeth ar y corff oedd yn gweithio tuag at ddatganoli pwer o Madrid. Bu’n rhaid iddo ddianc i Mexico ar ôl Rhyfel Sbaen, lle roedd e wedi bod yn ymladd dros y Weriniaeth yn Asturias. Ond daeth e nôl i Sbaen yn y saith-degau, ar ôl marwolaeth Franco. Gweithiwr, sosialydd, ac yn ôl y bobl sydd wedi bod yn gadael sylw ar wefannau’r papurau dyddiol, gŵr anrhydeddus. (Mae sawl un yn mynd ymlaen i ddweud: yr unig un.)

 

Advertisements

Gadael Ymateb

Rhowch eich manylion isod neu cliciwch ar eicon i fewngofnodi:

WordPress.com Logo

You are commenting using your WordPress.com account. Log Out / Newid )

Twitter picture

You are commenting using your Twitter account. Log Out / Newid )

Facebook photo

You are commenting using your Facebook account. Log Out / Newid )

Google+ photo

You are commenting using your Google+ account. Log Out / Newid )

Connecting to %s

Categorïau

%d bloggers like this: