Cyhoeddwyd gan: cathasturias | Chwefror 7, 2011

Timau Achub y Picos

Mae tywydd hynod newidiol Asturias yn gallu arwain at broblemau i’r rhai sy’n dod yma i fynydda ac i bobl y timau achub. Yn aml iawn – ac ar bob amser o’r flwyddyn – y byddwch yn dechrau’r daith o dan haul, os nad toreithiog, wel twym, a phopeth yn mynd yn iawn am yr awr neu ddwy gyntaf.

Wedyn bydd rhywun yn sylwi ar y niwl sy’n codi o’r cwm gerllaw, neu’r cymylau sy’n rasio tuag atoch chi o’r gorllewin. Amser i ddychwelyd, neu i chwilio am loches.

Mae’r sawl sydd yn mynd i drafferthion yn y Picos de Europa a gweddill mynyddoedd Sbaen yn cwympo i ddwylo’r heddlu. Nhw, y Guardia Civil, neu o leiaf eu hadran arbenigol, y GREIM, sy’n ffurfio’r timau achub boed ar y mynydd neu’r môr.

Mae grŵp y Picos yn gweithio’n llawn-amser o Cangas de Onis, y dref fwyaf yn yr ardal, ac yn ymarfer bob dydd rownd y flwyddyn. Nid yn unig mae’n rhaid iddyn nhw gadw’n gorfforol gryf, ond hefyd adnabod yr ardal o dan haul neu eira. Ac yn ddiweddar maen nhw hefyd wedi gorfod dysgu disgyn i ogofau dwfn a dilyn cyrsiau barranquismo (canyoning) am fod mwy a mwy o bobl yn dod i’r Picos i wneud y pethau hynny yn ogystal ag i fynydda’n draddodiadol.

Gobeithio na fyddwn ni byth yn gorfod galw arnyn nhw, wrth gwrs. Ond mae’n dda gwybod eu bod nhw yno.

 

 


Gadael Ymateb

Rhowch eich manylion isod neu cliciwch ar eicon i fewngofnodi:

WordPress.com Logo

You are commenting using your WordPress.com account. Log Out /  Newid )

Twitter picture

You are commenting using your Twitter account. Log Out /  Newid )

Facebook photo

You are commenting using your Facebook account. Log Out /  Newid )

Connecting to %s

Categorïau

%d bloggers like this: