Cyhoeddwyd gan: cathasturias | Ionawr 23, 2012

Llong Hwylio’r Unben

Wyddwn i ddim o hanes ‘iot´ yr unben Franco – tan heddiw. Ie, roedd ganddo yntau long hwylio, yr Azor, (gwalch – yr aderyn, h.y.) oedd yn cael ei defnyddio ar gyfer cyfarfodydd pwysig yn ogystal â mordeithiau pleser. Ar ôl ei farwolaeth doedd y wladwriaeth newydd ddim yn fodlon derbyn y llong fel rhan o dreftadaeth y llywodraeth o’r blaen, ac ymhen dipyn fe’i gwerthwyd. Ond aeth pethau’n lletchwith ar y prynwr ac fe adawyd yr Azor mewn cae yn nhalaith Burgos, ymhell o’r môr, am flynyddoedd lawer.

Fe ddaeth yn bererindaith i rai, fynd yno i weld iot eu harwr yng nghanol y borfa a’r mieri. Fe werthwyd y tir, ond roedd y llong yn dal yno. Ond yn awr mae wedi diflannu, ac ni fydd yn bosib ei hadnabod eto. Mae’r dur wedi ei wasgu i siapau hollol newydd, ei gerflunio’n ddarn o gelf anferth sydd yn awr i’w weld yn un o orielau Madrid. Mae un o symbolau ffasgaeth Franco wedi dibennu yn edrych fel wal o chatarra – haearn sgrap. A dyna oedd bwriad yr artist, Fernando Sánchez Castillo, a dreuliodd amser yn ymchwilio i arwyddocad yr Azor cyn ei brynu. Mae gyda fe arddangosfa ehangach ar thema tebyg – hanes Sbaen yn y ganrif ddiwethaf – yn awr yn León.

Trueni nad yw holl syniadau’r unben wedi cwrdd â’r un ffawd â’i iot.


Responses

  1. Stori wych, diolch am ei rhannu gyda ni.


Gadael Ymateb

Rhowch eich manylion isod neu cliciwch ar eicon i fewngofnodi:

WordPress.com Logo

You are commenting using your WordPress.com account. Log Out / Newid )

Twitter picture

You are commenting using your Twitter account. Log Out / Newid )

Facebook photo

You are commenting using your Facebook account. Log Out / Newid )

Google+ photo

You are commenting using your Google+ account. Log Out / Newid )

Connecting to %s

Categorïau

%d bloggers like this: