Cyhoeddwyd gan: cathasturias | Chwefror 24, 2012

Pigion i’r Penwythnos

Nid pawb sy’n cael aros mewn palas y noson cyn iddo fynd i flaen ei well, ond dyna lle bydd dug Palma, Iñaki Urdangarin, yn aros heno. Bydd ef a’i wraig, y dywysoges Cristina, merch brenin Sbaen yn hedfan o Madrid heno i Mallorca ac yn treulio’r nos mewn un o’r palasau llai sydd gan deulu brenhinol Sbaen yno. Bore ‘fory am 0900 fe fydd yn cwrdd â’r barnwr sydd yng ngofal yr achos o lygredd yn ei erbyn. Fydd ei wraig ddim yn mynd gyda fe, er ei bod yn pwysleisio gymaint y mae’n ei gefnogi. Erthygl da iawn yma gan Giles Tremlett, y gorau o’r gohebwyr o’r DU yn Sbaen.

Lladron wedi dwyn gwerth miliynau o ewros o emwaith ac aur o stafell gref SEUR, cwmni sy’n symud a dosbarthu eiddo, yn Madrid. Gyrrwyd fan yn galed yn erbyn yr adeilad nes iddo dorri drwodd.

Dyn o ddwyrain Asturias wedi gosod magl i ddala ceirw heb y gwaith o fynd i’w hela. Ond yr hyn a ddaliodd oedd dyn arall: gwyddonydd oedd yn gweithio ar gynllun yn yr ardal i restru planhigion. Cafodd e ddirwy o €3000. Ni chafodd y naturiaethwr niwed mawr.

Mae’r PSOE, y blaid sosialaidd, wedi penderfynu mynd â’r ddeddf newydd ar hawliau gweithwyr i’r llys cyfansoddiadol. Ei gobaith yw cadw peth o’r diogelwch swyddi sydd gan weithwyr yn awr.

Pob hwyl i dîm Cymru yfory!

 

Advertisements

Gadael Ymateb

Rhowch eich manylion isod neu cliciwch ar eicon i fewngofnodi:

WordPress.com Logo

You are commenting using your WordPress.com account. Log Out / Newid )

Twitter picture

You are commenting using your Twitter account. Log Out / Newid )

Facebook photo

You are commenting using your Facebook account. Log Out / Newid )

Google+ photo

You are commenting using your Google+ account. Log Out / Newid )

Connecting to %s

Categorïau

%d bloggers like this: