Cyhoeddwyd gan: cathasturias | Gorffennaf 3, 2012

O’r Ardd: y Drwg yn y Daten

Eleni rydym ni wedi plannu mwy o wahanol fathau o dato nag erioed. Ryn ni’n dal i geisio osgoi’r blight  – clwy’r tatws yw’r unig enw Cymraeg a wn i ond gan fod tato’n dioddef o nifer o glwyfau, well gyda fi aros gyda blight. Mae’r ffwng sy’n achosi’r clwy eisiau gwres a dŵr:  nifer o ddiwrnodau’n olynol pryd mae’r tymheredd dros nos yn aros yn uchel (yn bendant yn uwch na 10C) a’r lleithder yn uchel am y rhan fwyaf o’r 24ain awr.  Yma yn nwyrain Asturias, mis Mehefin yw amser y perygl mwyaf.

Dechrau o’r blaen: Sarpo Mira, taten brif gnwd yn arbennig i wrthsefyll y blight, sy’n cael ei datblygu yn Abergwyngregyn ger Bangor. Plannwyd ddiwedd mis Chwefror ac yn edrych yn ddigon hapus.

Tu ôl iddi, tair rhes ffaeledig, a blannwyd ganol mis Mawrth. Winston, Highland Burgundy a Shetland Black, y ddwy olaf yn ‘dato dreftadaeth’. Rhy dwym iddyn nhw, dybiwn i. Ond y Winston? Y pwynt o blannu hon, taten gynnar, oedd ei bod hi’n tyfu’n glou iawn ac y byddai’n barod cyn mis Mehefin. Doedd hi ddim.

Ac yng nghefn yr ail wely, rhes o Fourtyfold, taten dreftadaeth eto, ond mae hon wedi goroesi’n iawn.

Ondar ochr arall y tŷ, mae rhai o’r tato cynnar sydd wedi llwyddo yn sychu yn yr haul:

Rwy’n gwybod bod rhai pobl o’r farn na ddylid sychu tato cynnar, dim ond eu bwyta nhw o’r pridd. Ond mae eisiau’r lle i bethau eraill, felly bwyta a sychu fydd hi.


Gadael Ymateb

Rhowch eich manylion isod neu cliciwch ar eicon i fewngofnodi:

WordPress.com Logo

You are commenting using your WordPress.com account. Log Out / Newid )

Twitter picture

You are commenting using your Twitter account. Log Out / Newid )

Facebook photo

You are commenting using your Facebook account. Log Out / Newid )

Google+ photo

You are commenting using your Google+ account. Log Out / Newid )

Connecting to %s

Categorïau

%d bloggers like this: