Cyhoeddwyd gan: cathasturias | Gorffennaf 23, 2012

Trybini Ariannol

Alla’i ddim osgoi e heddiw. Mae beth sy’n digwydd yn y farchnad – marchnadoedd a dweud y gwir, un arian ac un cyfranddaliadau – yn Sbaen yn hollol afresymol. Y bore ‘ma eto fe gododd y pris y mae llywodraeth Sbaen yn gorfod talu i fenthyg arian tramor i record newydd. Ac fe gollodd yr Ibex (FTSE Sbaen) 1% yn fwy o’i werth.

Pam felly mae buddsoddwyr mawr y byd wedi troi eu cefn ar y penrhyn Iberaidd?  Prif broblem Sbaen yw diweithdra – ond mae diwydiannau ac amaeth yn dal i wneud yn dda. Mae pethau yn cael eu cynhyrchu a’u gwerthu dramor. Dyw dyled gwladwriaethol Sbaen ddim yn uchel o’i gymharu a gwledydd eraill o fewn yr € sydd wedi mynd yn erbyn y creigiau: ond fe fydd e, os wneith pethau barhau fel hyn, achos mae’r llog yn mynd yn fwy bob tro. Mae Ewrop wedi cytuno i roi benthyg biliynau lawer er mwyn achub y banciau. Ond dyw hyn i gyd ddim yn ddigon i’r buddsoddwyr.

Efallai bod y buddsoddwyr mawr yn rhannu fy marn i a llawer o’m cyfeillion yn Asturias. Does dim pwynt achub y banciau. Heb arian Ewrop, bydd rhai yn sicr o fynd i’r wal, ond fe allai’r gweddill fanteisio ar eu cyfle. Diben banciau o dan y drefn sydd ohoni yw gwneud pethau’n haws i fusnesau, cadw’r arian i symud o gwmpas y rhod: nid casglu tomenni o arian iddyn nhw, eu swyddogion uchaf a’u cyfranddalwyr. Os wyt ti am weld ddiwedd sydyn ar y drefn gyfalafol byddai cwymp y banciau yn rhywbeth i’w groesawu. Ond os wyt ti am weld y peth yn cael ei drawsnewid, ac yn dal i weithio, busnesau (cwmniau neu gymdeithasau cyweithredol) sy’n cynhyrchu neu’n prosesu pethau fydd angen, nid banciau sydd wedi eu diogelu fel rhyw anifail prin.

 


Gadael Ymateb

Rhowch eich manylion isod neu cliciwch ar eicon i fewngofnodi:

WordPress.com Logo

You are commenting using your WordPress.com account. Log Out / Newid )

Twitter picture

You are commenting using your Twitter account. Log Out / Newid )

Facebook photo

You are commenting using your Facebook account. Log Out / Newid )

Google+ photo

You are commenting using your Google+ account. Log Out / Newid )

Connecting to %s

Categorïau

%d bloggers like this: