Cyhoeddwyd gan: cathasturias | Gorffennaf 25, 2012

Perygl! Poblyddwr

Wel efallai dylwn i fod wedi ei ragweld. Wyth mis ar ôl i lywodraeth PP Mariano Rajoy gael ei hethol, dim ond y chwith eithaf, IU, oedd yn galw am ddiswyddo’r cwbl oherwydd cwymp estynedig a thragwyddol economi Sbaen. Ond heddiw ymunoedd llais arall yn y cytgan: ie, Francisco Alvarez Cascos, cyn-lywydd cymunedol Asturias cyn iddo alw a cholli etholiadau eleni.

Poblyddwr yw Cascos o flaen popeth arall, ond yn syth wedyn, boi o’r adain dde. Ei gŵyn heddiw oedd bod Mariano Rajoy yn mynd o gwmpas prif dinasoedd Ewrop fel cardotwr yn chwilio am geiniogau gan y cyfoethog. Sbaen oedd ei faes e heddiw, nid Asturias. Ond yr un oedd ei neges: rhoi (rhowch enw fan hyn) o flaen popeth arall. Angen newid y drefn fel na fyddai arian yn cael llifo o un wlad i’r llall a Sbaen yn dioddef. Gadael yr € cyn bod Brwsel ‘yn ein lluchio ni mâs’.

Ie, y ddau beth. Efallai iddo beidio ag ystyried beth fyddai’n digwydd petai’r peseta yn ei ôl: fyddai arian Sbaen ddim yn llifo i unlle achos fyddai neb yn mo’yn e. A’r trwbl yw, wrth gwrs, ei fod fel poblyddwr da yn dweud yn union beth mae pobl yn hoffi clywed: eu bai nhw yw e, ond inni gael gwared â nhw byddwn ni’n iawn. Nid dyna’r math o genedlaetholdeb na gwlatgarwch sy’n apelio ataf i. Ond mae’n llawer haws na cheisio adeiladu ymateb ymarferol.

 

 

 

 


Gadael Ymateb

Rhowch eich manylion isod neu cliciwch ar eicon i fewngofnodi:

WordPress.com Logo

You are commenting using your WordPress.com account. Log Out / Newid )

Twitter picture

You are commenting using your Twitter account. Log Out / Newid )

Facebook photo

You are commenting using your Facebook account. Log Out / Newid )

Google+ photo

You are commenting using your Google+ account. Log Out / Newid )

Connecting to %s

Categorïau

%d bloggers like this: