Cyhoeddwyd gan: cathasturias | Medi 5, 2012

Hanes Arian a Ffilm

Ryw fis yn ôl wnes i ddarllen cofnod blog gan Carl Morris  ynglŷn ag ariannu torfol ym maes diwylliant – casglu symiau bach gan nifer fawr o bobl er mwyn cyhoeddi llyfr, albwm o gerddoriaeth, beth bynnag.  Mewn un darn, gresynu oedd e am gostau uchel prosesau fel animeiddio, ac yn amau a fyddai’n bosib o gwbl gasglu digon o arian i dalu am ffilm.

Rwy’n credu ei fod yn iawn, na fyddai’n bosib ariannu prosiect cyfan, ond beth am hyn:

Rwyf i newydd gyfrannu drwy ariannu torfol tuag at ffilm o’r enw To Say Goodbye/Decir Adiós  sydd yn adrodd hanes y miloedd o blant Basgaidd gafodd eu ‘hachub’ a’u danfon i’r DU yn ystod rhyfel Sbaen. Am ychydig fisoedd, oedd hi i fod, ond nid felly y bu. Fel mae’n digwydd bod, mae’r ffilm yn defnyddio lluniau animeiddiedig, ond mae’r lleisiau’n perthyn i rai o’r ‘plant’ hynny, erbyn hyn yn eu 80au/90au, na ddychwelodd erioed i wlad eu mebyd. Nawr am y tro cyntaf maen nhw’n cael cyfle i adrodd eu hanes eu hunain.

Bydd yn cael ei premiere byd-eang yng ngŵyl Donostia/San Sebastian o fewn dyddiau, a diben yr ariannu torfol oedd cael digon i baratoi fersiynau digidol i fynd o gwmpas gwyliau ffilm y gaeaf a cheisio ennill dosbarthiad ehangach mewn sinemau. Izaskun Arandia a Matt Richards sydd wrth y llyw, hithau’n Fasges ac yntau’n frodor o Gernyw. Roedd dwy wefan gyfrannu, un yn Saesneg a’r llall yn Sbaeneg, ac fe lwyddwyd i gasglu dros €3000 a $2000 rhyngddyn nhw. (Maen nhw wedi cau nawr).

Galw felly ar unrhyw un sy’n trefnu gŵyl ffilm yng Nghymru i ystyried To Say Goodbye. Rhaglun fan hyn. Bydd y fersiwn sy’n cael ei dangos yn Donostia yn uniaith Saesneg, gydag is-deitlau yn Sbaeneg ac Euskera, ond wedyn maen nhw’n mynd i’w dybio i’r ieithoedd hynny. Adolygiad pan fydda’i wedi ei gweld!


Gadael Ymateb

Rhowch eich manylion isod neu cliciwch ar eicon i fewngofnodi:

WordPress.com Logo

You are commenting using your WordPress.com account. Log Out / Newid )

Twitter picture

You are commenting using your Twitter account. Log Out / Newid )

Facebook photo

You are commenting using your Facebook account. Log Out / Newid )

Google+ photo

You are commenting using your Google+ account. Log Out / Newid )

Connecting to %s

Categorïau

%d bloggers like this: