Cyhoeddwyd gan: cathasturias | Medi 14, 2012

Gŵyl y Capeli

Mae’n dawel iawn yn y pentref heddiw: pawb wedi mynd i Nueva ar gyfer fiesta’r Cristo. Pentref mwy o faint yw Nueva, dros 700 o bobl, ac mae sefyllfa’r fiestas yno yn gyfarwydd iawn i unrhyw un sydd wedi gweld lluosog gapeli trefi bach Cymru. Mae ‘na eglwys, ond hefyd dau gapel sy’n perthyn iddi. Ac mae i bob capel ei ffyddloniaid, na fyddan fyth yn mynychu’r capel ‘arall’. Dwy fiesta felly, la Blanca y el Cristo , a dim ond wythnos sydd rhyngddyn nhw.

Dyma orymdaith y Cristo, neithiwr, ar ei ffordd i blannu’r goeden sy’n arwydd bod yr ŵyl ar ddechrau. Mae gwŷr y Cristo yn gorymdeithio – ac yn cario’r goeden – yn eu gwisg draddodiadol, y porruano – hyd yn oed y rhai lleiaf:

Ond mae lle i bawb, gyda’r menywod yn canu ac yn bwrw’r tambwrîn.

Aiff yr orymdaith drwy strydoedd cul Nueva nes cyrraedd y capel ‘Cristo del Amparo‘  (Crist ein Diogelwch) sydd wedi sefyll yno ers tri chan mlynedd.  Ar ôl plannu’r goeden – fydd yn aros yn ei lle tan y flwyddyn nesaf – mae cyngerdd gan fandiau pibgorn ac grwpiau dawnsio gwerin yr ardal.

Heddiw bu’r offeren, gorymdaith arall gan y merched, a lot fawr o fwyta ac yfed seidr. Heno bydd dawnsio eto, ond (yn dawel) rwy’n credu fy mod i wedi blino gormod!

 

 


Gadael Ymateb

Rhowch eich manylion isod neu cliciwch ar eicon i fewngofnodi:

WordPress.com Logo

You are commenting using your WordPress.com account. Log Out / Newid )

Twitter picture

You are commenting using your Twitter account. Log Out / Newid )

Facebook photo

You are commenting using your Facebook account. Log Out / Newid )

Google+ photo

You are commenting using your Google+ account. Log Out / Newid )

Connecting to %s

Categorïau

%d bloggers like this: