Roedd Bolahaul yn enw cyfarwydd yn ardal fy mebyd. Enw cae, enw fferm, enw ar heol hyd yn oed. Mae’n golygu lle heulog braf ac roeddwn i wastod yn ei ddychmygu fel rhywun yn gorwedd ar draeth yn danbgos ei bola i’r haul ar ddiwrnod o haf. A dyma ein Bolahaul ni
Tynnais i’r llun am 8 o’r gloch y nos, pan roedd yr haul wedi bod yn gwenu ar y cae ers rhyw 12 awr. Mae eisoes wedi ei aredig a’i droi, diolch i gymydog, a’r wythnos hon fe fyddwn yn codi ffens o’i amgylch rhag y baeddiaid gwyllt a’r ceirw, ac yn dechrau plannu. Nid Bolahaul yw ei enw iawn wrth gwrs, dim ond yn fy mhen. El Foro yw e yn ôl yr wdurdodau, ac el Palacio yn ôl y cymdogion, a neb yn siwr o darddiad y naill na’r llall.
Rwyf i’n dilyn cyfres S4C ar enwau caeau Cymru gyda dileit. Ac rwy’n cofio’r cae wnaeth ddeffro’r diddordeb ynof i: Parcyreigras. Na, dim byd i wneud gyda nofelwyr lluosog, ond cae oedd wedi ei hau â rye grass ar ôl y Rhyfel Byd Cyntaf.
cathasturias
Asturias yn Gymraeg 
Edrych yn dda; cyfnod cyffrous o’ch blaen dwi’n siwr. Digon o le ar gyfer brocoli piws rwan! Maen nhwn bethau drud i’w prynu, ac yn werth rhoi lle iddyn nhw hyd yn oed mewn gardd fechan yn fy marn i..
By: Wilias on Ebrill 17, 2014
at 9:49 am
Dydyn nhw ddim ar werth yma o gwbl. Mae’r un peth yn wir am sialots: yn ddrud i’w prynu, digon hawdd eu tyfu ac yn cadw’r well na wynwns
By: cathasturias on Ebrill 17, 2014
at 11:39 am
Ma Bolahaul yn dod ag atgofion yn ôl! Cofio gweld yr enw am y tro cyntaf ar Hewl Bolahaul lawr yn Cwmffrwd, ar ôl symud i Gaerfyrddin pan yn blentyn – a chwerthin mawr wrth gwrs. Oedd ‘na Folahaul arall lan ar bwys ble o’ti’n byw hefyd? Beth bynag – bolahaul yn enw hyfryd ar gae, a chi ‘di symyd yn gyflym iawn – bois bach…. ddim gadael i’r gwair dyfu fel petae!
By: Catrin on Ebrill 18, 2014
at 6:07 pm
Sori am yr oedi cyn ymateb! Oedd, Bolahaul yn enw fferm ar y ffordd i Abernant. Mae’n Bolahaul ni yn brosiect tymor hir, rhaid cyfaddef. Os dei di draw eleni, gei di bala yn dy law cyn cael cyfle i ishte lawr.
By: cathasturias on Mai 23, 2014
at 10:42 am