Cyhoeddwyd gan: cathasturias | Awst 16, 2015

O’r Ardd: y Berllan

Gyda thraul yr haf mae ychydig o amser gyda ni i fwynhau’r ardd yn lle rhuthro o un dasg i’r llall. Er enghfraifft, yr wyf yn hyderus y byddwn yn gweithio seidr eleni

afalau seidr Asturias

afalau seidr Asturias

oherwydd mae’r coed yn drwm gan gynhaeaf. Crefft y peth yw cael y cymysgedd iawn o afalau chwerw, afalau sur, ac afalau melys er mwyn cael blas ac asidedd y ddiod yn fwynder ar y tafod. Mae pobl yn aros i’r afalau seidr i gwympo, dim ots am y cleisio. Bydd afalau i’r ford yn cael eu pigo’n unigol. A rhywbryd ym mis Hydref, fe fydd y gwaith o stwnso a gwasgu yn dechrau o ddifri.

Mae rhai’n dweud bod coed ffrwythau’n cynaeafu’n dda bob yn ail flwyddyn. O edrych dim ond ar llynedd ac eleni, mae hynny’n wir. Llynedd, cnau Ffrengig hyd at syrffed, hanner dwsin o afalau a llai fyth ar goed y gellyg. Eleni, llawer llai o gnau, y gellyg yr un mor niferus â’r afalau

P1180827

Williams yw’r rhain; mae’r Conferencia eisoes wedi eu torri’m ofalus a’u dodi mewn man tywyll. Fel arall byddan nhw i gyd yn barod ar unwaith.

Nodyn trist o resi’r mafon. Pryfed y mafon wedi troi lan am y tro cyntaf. Mae rhain yn dodwy yn y ffrwyth a’u difetha. Bu’n rhaid imi dorri pob un sbrigyn ffrwythlon a’u llosgi. Ond rwyf i wedi bod yn darllen am declyn bach sy’n defnyddio fferonomau i ddenu’r pryfed, fel bod y garddwr yn cael gwybod ymlaen llaw eu bod nhw ar gyrraedd. Wedyn bydd rhaid eu lladd nhw rywsut. Unrhyw syniadau?


Gadael Ymateb

Rhowch eich manylion isod neu cliciwch ar eicon i fewngofnodi:

WordPress.com Logo

You are commenting using your WordPress.com account. Log Out / Newid )

Twitter picture

You are commenting using your Twitter account. Log Out / Newid )

Facebook photo

You are commenting using your Facebook account. Log Out / Newid )

Google+ photo

You are commenting using your Google+ account. Log Out / Newid )

Connecting to %s

Categorïau

%d bloggers like this: